އިޒޫ ޖީޕީޓީ (IzuGPT) ބޭނުންކޮށްގެން ދިވެހި އިމްތިޙާނު ކަރުދާހާއި ވޯކްޝީޓްތައް އަވަހަށް ތައްޔާރުކުރުން

 މުދައްރިސުންނާއި ދަރިވަރުން ފިލާވަޅުތަކަށާއި އިމްތިޙާނުތަކަށް ތައްޔާރުވުމުގައި ގިނަ ވަގުތުތަކެއް ހޭދަކުރަންޖެހެއެވެ. މުދައްރިސަކަށް މާދަމާގެ ކްލާހަށް ބޭނުންވާ ވޯކްޝީޓެއް ނުވަތަ މާކިން ރޫބްރިކަކާއެކު ފުރިހަމަ އިމްތިޙާނު ކަރުދާހެއް ތައްޔާރުކުރުމަކީ ބުރަ މަސައްކަތެކެވެ. ހަމައެހެންމެ، ދަރިވަރުންނަށްވެސް އިތުރު ފަރިތަކުރުންތައް ބޭނުންވިޔަސް، އަމިއްލައަށް ސުވާލު އުފައްދައިގެން ފަރިތަކުރުމަކީ ދަތިކަމެކެވެ.

އިޒޫ ޖީޕީޓީ ފަރުމާކޮށްފައިވަނީ ދިވެހި ބަހުން ކުރާ ތަޢުލީމީ މަސައްކަތްތައް އަވަސްކޮށް، ލުއިފަސޭހަކޮށްދިނުމަށެވެ. މީގެ "އިމްތިޙާނު އަދި ވޯކްޝީޓް" ފީޗާ މެދުވެރިކޮށް، ކްލާސްތަކުގައި ބޭނުންކުރެވޭ ފެންވަރުގެ ވޯކްޝީޓްތަކާއި، އިމްތިޙާނު ކަރުދާސްތަކާއި، ޖަވާބުތަކުގެ އިތުރުން މާކިން ރޫބްރިކްތައްވެސް ދިވެހި ބަހުން އުފެއްދޭނެއެވެ.

މި ފީޗާ މިހާރު ބޭނުންކުރެވެނީ ގްރޭޑް 1 އިން 12 އަށް، ދިވެހި އަދި އިސްލާމް މި ދެ މާއްދާއަށެވެ. ހުރިހާ އެއްޗެއްވެސް އުފައްދައިދެނީ ދިވެހި ތާނައިން، ކަނާތުން ވާތަށް ލިޔެފައި ހުންނަ ގޮތަށެވެ. އެހެންކަމުން މިއީ ސްކޫލްތަކަށާއި، ޓިއުޝަން ސެންޓަރުތަކަށާއި، ގޭގައި ރިވިޝަން ހަދާ ދަރިވަރުންނަށް ވަރަށް ބޭނުންތެރި ވަސީލަތެކެވެ.

މި ފީޗާގެ މުހިންމުކަން:

ފެންވަރު ރަނގަޅު އެސެސްމަންޓް މެޓީރިއަލް ތައްޔާރުކުރުމަކީ ވަގުތު ނަގާ ކަމެކެވެ. ފައިދާހުރި ވޯކްޝީޓެއްގައި ހަމައެކަނި ސުވާލުތަކެއް ހުރުމުގެ ބަދަލުގައި، ގްރޭޑާ ގުޅޭ މިންވަރާއި، ސާފު އަމާޒެއްގެ އިތުރުން، އުނދަގޫ މިންވަރު ހަމަހަމަވާންޖެހެއެވެ. އައިޒޫ ޖީޕީޓީން މި ހުރިހާ ކަމަކަށް ހައްލު ހޯދައިދެއެވެ.

މުދައްރިސުންނަށް: ގްރޭޑް، މާއްދާ، މައުޟޫއު އަދި ސުވާލުގެ ބާވަތް ކަނޑައެޅުމުން ފުރިހަމަ އެސެސްމަންޓް ޑްރާފްޓެއް ލިބޭނެއެވެ. މިއީ އެޑިޓްކޮށް، ޕްރިންޓް ނުވަތަ ޑައުންލޯޑް ކުރެވޭނެ އެއްޗެކެވެ.

ދަރިވަރުންނަށް: ބޭނުންވާ މައުޟޫއަކުން، ބޭނުންވާ އުނދަގޫ މިންވަރެއްގައި ވޯކްޝީޓް އުފައްދައިގެން ފަރިތަކުރެވޭނެއެވެ.

އުފެއްދޭނެ ބާވަތްތައް:

1. ވޯކްޝީޓް: ކްލާސް މަސައްކަތަށާއި، ހޯމްވޯކް ނުވަތަ ރިވިޝަނަށް ބޭނުންވާ ގޮތަށް.

2. އިމްތިޙާނު ކަރުދާސް: ވަގުތާއި، މާކްސް އަދި އިރުޝާދުތަކާއެކު ރަސްމީ އެސެސްމަންޓްތަކަށް.

3. ޖަވާބުތައް (Model Answers): މާކް ކުރުމަށާއި އަމިއްލައަށް ޗެކްކުރުމަށް.

4. މާކިން ރޫބްރިކް: މަޒުމޫނު ފަދަ ދިގު ޖަވާބުތައް އިންސާފުވެރިކޮށް މާކް ކުރުމަށް.

5. ފުލް ޕެކޭޖް: ކަރުދާހާއި، ޖަވާބު އަދި ރޫބްރިކް އެއްފަހަރުން ހޯދުމަށް.

ޓީޗަރު މޯޑް އަދި ސްޓޫޑަންޓް މޯޑް:

- ޓީޗަރު މޯޑް: މުދައްރިސުންނަށް ބޭނުންވާ ފުރިހަމަ އެސެސްމަންޓް ޕެކޭޖްތައް ތައްޔާރުކޮށްދެއެވެ.

- ސްޓޫޑަންޓް މޯޑް: ދަރިވަރުން އަމިއްލައަށް ފަރިތަކުރުމަށް ބޭނުންވާ ރިވިޝަން ވޯކްޝީޓްތަކަށް ޚާއްޞަވެއެވެ.

މި ފީޗާ ބޭނުންކުރާނެ ގޮތުގެ ފިޔަވަޅުތައް:

1. "އިމްތިޙާނު އަދި ވޯކްޝީޓް" ފީޗާ ހުޅުވާލައްވާ.

2. ތިބާގެ ރޯލް (ޓީޗަރު ނުވަތަ ދަރިވަރު) ޚިޔާރުކުރައްވާ.

3. އުނދަގޫ މިންވަރު (ފަސޭހަ، މެދުމިން، ދަތި ނުވަތަ މިކްސް) ކަނޑައަޅުއްވާ.

4. ގްރޭޑް (1-12) ޚިޔާރުކުރައްވާ.

5. މާއްދާ (ދިވެހި ނުވަތަ އިސްލާމް) ޚިޔާރުކުރައްވާ.

6. ބޭނުންވާ މައުޟޫއު ލިޔުއްވާ (މިސާލަކަށް: ގަވާއިދު، ނަމާދު).

7. ފިލާވަޅުގެ އަމާޒު ނުވަތަ ކޮންޓެކްސްޓް އިތުރުކުރައްވާ.

8. ސުވާލުގެ ބާވަތްތައް (މަލްޓިޕަލް ޗޮއިސް، ކުރު ޖަވާބު، މަޒުމޫނު ފަދަ) ޚިޔާރުކުރައްވާ.

9. ސުވާލުގެ އަދަދު، މާކްސް އަދި ވަގުތު ކަނޑައަޅުއްވާ.

10. ބޭނުންވާ އައުޓްޕުޓް ފޯމެޓް (ވޯކްޝީޓް، އިމްތިޙާނު ކަރުދާސް ފަދަ) ޚިޔާރުކުރައްވާ.

11. "ތައްޔާރުކުރޭ" ފިތަށް ފިތާލުމުން ޑްރާފްޓް ތައްޔާރުވާނެއެވެ.

12. ބޭނުންކުރުމުގެ ކުރިން، ސުވާލުތަކާއި ޖަވާބުތައް ގްރޭޑާ އެކަށޭނަތޯ ބަލައި ޗެކްކޮށްލައްވާ.

މިއީ ހަމައެކަނި ޗެޓްބޮޓެއް ނޫނެވެ. މިއީ ދިވެހި ތަޢުލީމީ ދާއިރާއަށް ޚާއްޞަކޮށް ފަރުމާކޮށްފައިވާ ފުރިހަމަ ވޯކްސްޕޭސްއެކެވެ.